Dorobankulu ra Tshwane ri rhandza ku khutaza vaaki va le Hammanskraal na tindhawu ta le kusuhi leswaku va nga nwi mati yo huma eswiphayiphanini endzhaku ka ntungu eka ndhawu ya vona.
Leswi mati lawa ya phakeriwaka hi Dorobankulu eHammanskraal ya nga ringanelangiki ku nwiwa, Dorobankulu ri phakela mati lawa ya nwekaka hi ku tirhisa 52 wa tilori ta mati ku ya eka tindzhawu leti nga riki ta ximfumo ka nharhu hi vhiki, na 40 wa tilori ta mati kuya eka tindhawu ta ximfumo siku na siku eka Rhijini 2. Leswi swi endleriwa ku tiyisisa leswaku vaaki na mati yo nwa lama hlayisekeke.
Dorobankulu ri tshama ri ri karhi ri endla swikambelo swa nkoka wa mati lama nyikiwaka vaaki va hina. Endzhaku ka ntungu lowu, ku ta endliwa swikambelo leswi heleleke eka netiweke hinkwayo ya ku phakeriwa ka mati.
Tisampulu ta mati ti tekiwile eka tindhawu leti khumbekeke naswona ti ta ya kamberiwa, mbuyelo wu languteriwile hi Ravunharhu ku kumisisa xivangelo xa ntungu. Tin’wana ta timhangu leti vikiweke ti huma eka ndhawu ya Moretele, leyi nga phakeriwiki hi Dorobankulu ra Tshwane.
Vatirhi kusuka eka Ndzawulo ya Rihanyo ya Dorobankulu va ta ya eka tindhawu leti khumbekeke nakambe namuntlha ku ya hlengeleta tisampulu tin’wana kusuka eka tilori ta mati leti phakelaka mati eka tindhawu to ka ti nga ri ta ximfumo.
Swipanu swa nhlamulo wa ntungu swi le ku tirheni ntirho wo landzelerisa na ku teka tisampulu ta mati. Vaaki va khutaziwa ku ya eka ndhawu ya swa rihanyo ya le kusuhi hi xihatla loko va va na swikombiso swa vuvabyi. Switirhisiwa swa swa rihanyo swi tshama swi vambile ngoma leswaku swi ta kota ku tshungula vavabyi lava nga na swikombiso hi xihatla.
Dorobankulu ri rindzele hi mahlongati mbuyelo wa swikambelo swo tiyisisa kusuka eka Nhlangano wa Rixaka wa Mavabyi yo Tlulela ku kumisisa xivangelo xa ntungu.
Dorobankulu ri khutaza vaaki va tindhawu leti khumbekaka ku tshamela ku hlantswa swibye leswi va swi tirhisaka ku ka mati kusuka tilori ta mati hi xibasisi xa bleach, na ku virisa mati lama va ma keke kusuka eka swihlovo swin’wana loko va nga si ma nwa. Vaaki va tlhela va khutaziwa ku ka va nga endli mitirho ya swa vukhongeri yo fana na ku khuvula emilambyeni.